Ծառայություններ

Ֆուրշետ

բացման արարողություն | պրեզենտացիա | «հայտնիների» սպասարկում

Պաշտոնական միջոցառումները և հյուրասիրությունները, հանդիսությունների բացման արարոողությունները և այլ միջոցառումներ առավել հիշարժան կդառնան Արիես Քեյթրինգի ֆուրշետների հետ միասին։ Ճաշացանկի բազմազանությունը և ուտելիքների էսթետիկ ձևավորումը ավելի խոսուն կդարձնեն ձեր միջոցառումը։ Համադրելով բարձր ճաշակը և վառ երևակայությունը, Ձեր միջոցառումը կդառնա տպավորիչ և հիշարժան։ Արիես Քեյթրինգի կազմակերպած ֆուրշետները համարվում են հայկական հյուրասիրության լավագույն օրինակներից՝ համեմված եվրոպական ճոխությամբ և նրբագեղությամբ, իսկ դրանք պատշաճ կերպով իրականացնելու համար անհրաժեշտ են պրոֆեսիոնալիզմ և հիմնարար հմտություններ։ Ընկերության մասնագետները հետևում են եվրոպական վերջին տենդենցներին և դա արտացոլվում է ուտեստների մատուցման և պատրաստման մեջ։ Հենց այդ պատճառով, վստահելով ֆուրշետի կազմակերպումը Արիես Քեյթրինգին, հաճախորդը խուսափում է կազմակերպչական թերություններից, ժամանակի ավելորդ կորստից, իսկ մենք ընդգծում ենք հաճախորդի ճաշակը, ինքնատիպությունը և անհատականությունը։ Եթե ունեք միջազգային ճանաչում ունեցող հատուկ հյուրեր, ովքեր պահանջում են առանձնահատուկ մոտեցում իրենց սննդացանկին, ապա հոգ չէ, Արիես Քեյթրինգը կառաջարկի Ձեզ իր լավագույն ծառայությունը, որը կազատի Ձեզ ավելորդ անհանգստությունից։ Երկարամյա գործունեության ընթացքում Արիես Քեյթրինգը հատուկ ընթացակարգով սպասարկել է այնպիսի համաշխարհային աստղերի, ինչպիսիք են՝ Շառլ Ազնավուրը, System of a Down, Richard Clayderman, Garou, Lara Fabian և այլն։

Բացօթյա հարսանիք

Յուրաքանչյուր ամուսնանալ ցանկացող զույգ երազում է ունենալ հեքիաթային, անկրկնելի և հիշարժան հարսանեկան արարողություն։ Բացօթյա հարսանիքը կատարյալ տարբերակ է իրականացնելու վաղեմի երազանքը։
Ձեր բոլոր անհավանական երազանքները և ցանկությունները կարող են իրականություն դառնալ Արիես Քեյթրինգի ջերմ և հոգատար թիմի շնորհիվ։
Ընկերության մասնագետները կառաջարկեն սեղանների ձևավորման յուրահատուկ դիզայներական լուծումներ, հաճախորդի ցանկությամբ կընտրվի միջոցառման անցկացման վայրը, կպատրաստվի յուրատեսակ և անհատական ճաշացանկ, որը անմոռանալի կդարձնի միջոցառումը։

Կորպորատիվ ֆուրշետ

Տարիների ընթացքում Արիես Քեյթրինգը ձեռք է բերել հավատարիմ հաճախորդներ, ովքեր իրենց տարատեսակ միջոցառումների կազմակերպումը վստահում են Արիես Քեյթրինգին։ Ընկերությունները շատ հաճախ կանգնում են խնդրի առաջ, թե ինչպես ավելի ներկայանալի և պատշաճ կերպով կազմակերպել ընդունելություններ և հյուրասիրություններ։ Այս հարցում իր բարձր պրոֆեսիոնալիզմով և փորձառու մասնագետներով օգնության է գալիս Արիես Քեյթինգը։
Ընկերությունը սիրով կազմակերպում է ինքնատիպ և յուրօրինակ կորպորատիվ ֆուրշետներ՝ գերազանցելով հաճախորդի ակնկալիքները։